Review – “Pride Royal Ivy ဟာ Otome game တစ်ခုဖြစ်တဲ့ To a Beam of Light with you ထဲက မကောင်းမှု မျိုးစုံကို ကျူးလွန်လေ့ရှိတဲ့ ၈ နှစ်သား ဗီလိန်မလေး တစ်ယောက်ပါ။ တစ်ရက်မှာတော့ ဂျပန်နိုင်ငံက သာမန်အထက်တန်း ကျောင်းသူ တစ်ဦးဟာ Pride ရဲ့ ခန္ဓာကိုယ်ထဲသို့ Reincarnated ဖြစ်ခဲ့ပါတယ်။ အဲ့နောက်မှာတော့ Pride တစ်ဖြစ်လည်း အဆိုပါကောင်မလေးဟာ မူရင်းဂိမ်းရဲ့ ဇာတ်ကောင် ဇာတ်ညွှန်းတွေနဲ့ ဆန့်ကျင်ပြီး သူရဲ့ အစွမ်းထက်လှတဲ့ ပါဝါတွေ အစွမ်းတွေကို အသုံးချကာ သူမရဲ့ အဖေကို ကယ်တင်ခြင်း၊ တိုင်းပြည်ကို ကာကွယ်ပေးခြင်းများ ပြုလုပ်၍ ကြင်နာတတ်တဲ့ အုပ်ချုပ်သူတစ်ယောက်အဖြစ်ပြောင်းလဲသွားပါတော့တယ်။ Pride တစ်ယောက်ရဲ့ ဇာတ်လမ်းနဲ့ စွန့်စားခန်းတွေက ဘယ်လိုဖြစ်မလဲ … ယခုဇာတ်ကားလေးမှာ ဆက်လက်ကြည့်ရှုရမှာဖြစ်ပါတယ် ခင်ဗျာ” သည်ကားလေးကိုတော့ OLM Team Yoshioka ကနေ ဝန်ယူပေးသွားမှာ ဖြစ်ပြီး ဇူလိုင်လ ၇ ရက်နေ့က စတင်၍ ပြသနေပြီ ဖြစ်ပါတယ်။ မူရင်း Light Novel ကိုတော့ Tenichi က ရေးသားထားကာ Shōsetsuka ni Narō မှာ ၂၀၁၈ ခုနှစ်၊ ဧပြီလ မှစ၍ publish ပေးခဲ့ကာ နောက်ပိုင်းမှာတော့ Ichijinsha ကနေ ဆက်လက် producer အဖြစ် တာဝန်ယူကာ မတ်လ၊ ၂၀၂၂ ခုနှစ်အထိ ထုတ်ဝေခဲ့ပါတယ်။ Manga ကိုလည်း Ichijinsha ကပဲ တာဝန်ယူကာ Bunko Matsuura က ဆွဲသား၍ Monthly Comic Zero Sum မှာ ၂၀၁၉ ခုနှစ်၊ ဇွန်လ ၂၈ ရက်မှ လက်ရှိ အချိန်အထိ တင်ဆက်ပေးလျှက် ရှိပါတယ်။ ၂၀၂၁ ခုနှစ်၊ Next Manga awards မှာ Web Category အတွက် Nominated ခံခဲ့ရတဲ့ ဇာတ်လမ်း တစ်ပုဒ်လည်း ဖြစ်တာကြောင့် အခုပဲ လက်မလွှတ်တမ်း သွားကြည့်ကြဖို့ အကြံပြုအပ်ပါတယ် ခင်ဗျ။
