Review – “ဆိုရိုးတစ်ခုရှိတယ်။ ‘လောကကြီးမှာမတော်တဆဆိုတာမရှိဖူး’ တဲ့။ အဲ့တာကြောင့် ထိုနေ့ကသူမနဲ့ဆုံတွေ့ခဲ့ရတာကိုလဲ ကံတရားကအကြောင်းဖန်ပေးတာလို့ပဲမှတ်ယူမိလိုက်တယ်။ သူမက လူချစ်လူခင်ပေါသလောက် ကျွန်တော့်အတွက်တော့ အစပိုင်းမှာ အရမ်းစိတ်ရှုပ်ဖို့ကောင်းခဲ့တယ်။ အမြဲတမ်းအနောက်ကနေတစ်ကောက်ကောက်လျှောက်နေပြီး ကျွန်တော်ရဲ့တစ်ကိုယ်တည်းအေးချမ်းတဲ့ကမ္ဘာလေးကို ၀င်ရောက်ကျူးကျော်ဖို့မွေးဖွားလာတဲ့ ဂြိုလ်သားတစ်ကောင်လိုပဲ။ ဒါပေမယ့် ခုဏကပြောခဲ့သလို ဒါတွေကအစပိုင်းပါ။ ကျွန်တော်ပဲနေသာကျသွားလို့လား … သူမကပဲ ကျွန်တော့်ကမ္ဘာလေးကိုသိမ်းပိုက်လိုက်နိုင်လို့လားတော့မသိပေမယ့် ကျွန်တော်သူမအနားမှာရှိနေရတာကို ပျော်ရွှင်သလိုခံစားလာရတယ်။ သူမက ကျွန်တော့်ကိုလိုအပ်တယ်။ သူမက ကျွန်တော်မရှိလို့မဖြစ်ဖူး။ ဒါတွေကသူမဆီကနေ ကျွန်တော်သိလာခဲ့ရတဲ့အရာတွေ။ သူမ ပြောမပြတဲ့ သူမရဲ့နာကျင်မှုတွေကို အမြန်ဆုံးပျောက်ကင်းသွားအောင် ကျွန်တော်ဆုတောင်းတတ်လာတယ်။ ခြောက်ကပ်လှတဲ့ ကျွန်တော့်ရဲ့ကမ္ဘာလေးကို ကာလာရောင်စုံနဲ့ စိမ်းစိုသွားအောင် အရောင်ဆိုးပေးခဲ့တဲ့ ဂြိုလ်သားလေးက သူမပဲ။ ကျွန်တော့်ကို တစ်ခါပြောခဲ့ဖူးတယ် … သူမရဲ့ဘ၀မှာ ကျွန်တော့်ဆီကနေ စားချင်တာတစ်ခုရှိတယ်တဲ့။ အဲ့တာက ကျွန်တော့်ရဲ့ ပန်ကရိယ … သူမ စားချင်တာ ကျွန်တော့်ရဲ့ ပန်ကရိယ … သူမပြောခဲ့ဖူးတဲ့ စကားလေးတစ်ခွန်းက ‘ငါစားချင်တယ် … နင့်ရဲ့ပန်ကရိယ’။ ။”
Kimi no Suizou wo Tabetai လို့ပြောလိုက်တာနဲ့ Anime လောကထဲကသူတွေတင်မဟုတ်ပဲ မသိတဲ့သူမရှိလောက်တဲ့အထိ နာမည်ကြီးတဲ့ Animation ကားတစ်ကားဆိုတာ အားလုံးသိကြမှာပါ … Yoru Sumino ရဲ့ 2014 မှာ Web Novel အဖြစ်ထွက်ရှိခဲ့တဲ့ လက်ရာဖြစ်ပြီး 2015 မှာတော့ Page 300 နီးပါးရှိတဲ့ Novel အဖြစ် စာအုပ်ထွက်ရှိခဲ့ပါတယ် … Manga ကိုတော့ 2016 ကနေ 2017 အတွင်းမှာ Volume ၂ ခုနဲ့ အပြီးသတ်ခဲ့ပြီး Live Action Flim ဖြစ်တဲ့ Let Me Eat Your Pancreas ကတော့ 2017 မှာ ဆက်လက်ထွက်ရှိခဲ့ကာ နောက်ဆုံးသော adaption ဖြစ်တဲ့ ယခု Anime flim ကတော့ Studio VOLN ကနေ Sept 1, 2018 မှာ ထွက်ရှိခဲ့ပါတယ် … တော်တော်များများလဲ သိထားကြပြီးဖြစ်တဲ့ကားလေးမို့ အများကြီးမညွှန်းတော့ပါဖူး … Anime Fan မှန်ရင် မသေခင်ကြည့်သွားသင့်တဲ့ Legendary Animation တွေထဲကတစ်ကားမို့ မကြည့်ရသေးတဲ့သူတွေအနေနဲ့ အခုပဲ Website ထဲ၀င်ပြီးကြည့်လိုက်ပါလို့ …
#Translator_ToRo
#Encoder_Evil
