Review – “၁၅ နှစ်အရွယ် Izumiko Suzuhara ဆိုတဲ့ ကောင်မလေးဟာ ဘဝကိုရိုးရှင်းစွာ ဖြတ်သန်းနိုင်ဖို့ ကြိုးစားနေတဲ့ ကောင်မလေးတစ်ယောက်ပါ။ ဒါပေမယ့် တောင်ပေါ်က Shrine တစ်ခုမှာ ကြီးပြင်းခဲ့ရတဲ့ Izumiko အတွက်တော့ ဒီကိစ္စဟာ ထင်သလောက်မလွယ်ကူခဲ့ရှာပါဘူး။ အလွန်ရှက်တတ်ပြီး အကာအကွယ်အောက်မှာပဲနေခဲ့ရတဲ့ Izumiko လေးဟာ သူထိတွေ့သမျှ Electronic ပစ္စည်းတွေကိုလည်း ဖျက်စီးပစ်နိုင်စွမ်းရှိနေတာကြောင့် ပိုလို့တောင် အဆင်မပြေဖြစ်နေရတာပေါ့။ အဲ့ … ထို Izumiko လေးကတော့ သူ့ အိမ်မက်ကို အရှုံးမပေးခဲ့ပါဘူး။ တစ်ဖက်မှာတော့ သူ့ရဲ့ အုပ်ထိန်းသူဖြစ်တဲ့ Yukimasa Sagara ကလည်း သူ့သားဖြစ်သူ Miyuki ကို Izumiko ကို ကာကွယ်ပေးဖို့အတွက် အတင်းအကြပ်တာဝန်ပေးခဲ့ပါတယ်။ တကယ်တော့ Izumiko နဲ့ Miyuki တို့ဟာ အစေးကပ်လှတဲ့ သူတွေတော့ မဟုတ်ကြပါဘူး။ အတိတ်က ဖြစ်ရပ်တွေကြောင့် တစ်ယောက်နဲ့တစ်ယောက် မကျေနပ်ကြတဲ့ သူတို့နှစ်ယောက်၊ သူ့အဖေက နတ်ဘုရားမ လို့သတ်မှတ်ထားတဲ့ Izumiko ရဲ့ထူးခြားမှုကို ဘယ်လိုမှနားမလည်နိုင်တဲ့ Miyuki၊ ပြီးတော့ ဇာတ်လမ်းလေးက ဒီလောက်ရော ရိုးရှင်းနိုင်ပါ့မလား။ ကိုင်း … RDG လို့အတိုကောက်ခေါ်ကြတဲ့ ဒီကားလေးဟာဆိုရင်ဖြင့် လျှို့ဝှက်ဆန်းကြယ်နမှုတွေနဲ့ ပြည့်နှက်နေပါလေရဲ့ …”
ဒီကားရဲ့မူရင်း Fantasy Novel ကိုတော့ စာရေးဆရာမ Noriko Ogiwara က ရေးသားထားတာဖြစ်ပြီး Volume အားဖြင့် ၆ ခုအထိထွက်ရှိထားပြီးကာ ပထမဆုံး Volume ကိုတော့ ၂၀၀၈ ခုနှစ်၌ Kadokawa Shoten ကနေ ဖြန့်ချီပေးခဲ့ပါတယ်။ နောက်ဆုံး Volume ကိုတော့ ၂၀၁၂ ခုနှစ်မှာ ဖြန့်ချီထားခဲ့ပြီး Manga Adaption ကိုလည်း Novel Volume ၆ ခုလုံးအပြီးမှာ ၂၀၁၂ ကနေ ၂၀၁၄ အထိ Kadokawa ကပဲ ဖြန့်ချီပေးခဲ့ပါတယ်။ Illustrator ကတော့ Ranmaru Kotone ပါ။ ယခု Anime series ကိုတော့ မတ်လ ၁၆ ရက်နေ့၊၂၀၁၃ ခုနှစ် ကနေ ဇွန်လ ၁ ရက်နေ့၊ ၂၀၁၃ ခုနှစ် အထိထုတ်လွှင့်ခဲ့ပြီး P.A. Works က တာဝန်ယူ Animate ပေးခဲ့ပါတယ်။ Streaming အနေနဲ့ကတော့ Netflix (US Region) မှာ ၂၀၁၅ ခုနှစ်၊ ဩဂုတ် ၁ ရက်နေ့ကနေစပြီး ရရှိခဲ့ပါတယ်။ ဆိုတော့ စာအရှည်ကြီးတွေ လျှောက်ကွန့်မနေတော့ပါဘူး။ ဘယ်လိုဇာတ်လမ်းမျိုးဖြစ်မလဲဆိုတာ ကိုယ်တိုင်ကိုယ်ကျပဲ ကျွန်တော်တို့ Website ထဲဝင်ပြီး ရှာဖွေခံစားကြည့်ရှုလိုက်ကြပါစို့လားဗျ …
