Tearmoon Kingdom “ငါ့မှာ … ခေါင်း ရှိတယ်လား” “ပြီးတော့ … ပိုလည်း ငယ်သွားတယ်ဟ” ပုန်ကန်သူတွေ လက်ချက်နဲ့ ခေါင်းဖြတ်စက်မှာ ကွပ်မျက် ခံလိုက်ရတဲ့ တကိုယ်ကောင်း မင်းသမီး အမည်ခံ ကျဆုံးလေပြီးသော Tearmoon တိုင်းပြည်ရဲ့ အသက် နှစ်ဆယ်ယ် အရွယ် မင်းသမီး Mia ဟာ ရုတ်တရက် နိုးထလာပြီးတဲ့နောက်မှာ အသက် တစ်ဆယ့်နှစ် နှစ်အရွယ် ကောင်မလေး အဖြစ် ပြန်လည်ရောက်ရှိသွားပြီ ပြတ်သွားခဲ့တဲ့ ခေါင်းဟာလည်း ပြန်လည်ရောက်ရှိနေခဲ့ပါတယ်။ ဒုတိယအကြိမ် အခွင့်အရေးရရှိခဲ့တဲ့ Mia ဟာ ခေါင်းဖြတ်မခံရခင်က ခေါင်းအုံးဘေးမှာ ထားရစ်ခဲ့သော သွေးစွန်းဒိုင်ဟာရီအုပ်နဲ့အတူ Tearmoon တိုင်းပြည် ကို ပြန်လည် တည်ဆောက်ဖို့ ကြိုးပမ်းပါတော့တယ်။ ဆိုတော့ … ဘာလို့ တကိုယ်ကောင်း ဆန်တဲ့ Mia လို လူမျိုးက Tearmoon တိုင်းပြည် ကို ပြန်လည် ထူးထောင်ဖို့ ကြိုးစားရတာလဲ။ နောက်ကွယ်က ရည်ရွယ်ချက်တွေက ဘာများဖြစ်မလဲ။ Mia ဖန်တီးမယ် Tearmoon တိုင်းပြည်ကြီးကရော ဘယ်လိုပုံစံ ဖြစ်မလဲ။ အစရှိတာတွေကို သည်ဇာတ်လမ်းထဲမှာ ရှုစားရမှာဖြစ်ပါတယ် ခင်ဗျာ။
သည်ကားရဲ့ မူရင်း Light Novel ကိုတော့ Nozomu Mochitsuki-sensei က ရေးသားထားပြီး Shōsetsuka ni Narō website မှာ ၂၀၁၈ ခုနှစ်၊ သြဂုတ်လ၌ ကိုယ်တိုင် စတင် Publish ခဲ့ပါတယ်။ နောက်ပိုင်းမှာတော့ TO Books က ဝယ်ယူခဲ့ပြီး Gilse က illustrated ပေးကာ ယခုအချိန်အထိ ဆက်လက် ဖြန့်ချီနေခဲ့ပါတယ်။ Manga adapatation ကိုတော့ Mizu Morino က ဆွဲသားပေးထားပြီး Comic Corona manga website မှာ ၂၀၁၉ ခုနှစ်၊ သြဂုတ်လမှ စပြီး ထုတ်ဝေခဲ့ပါတယ်။ Manga ဟာဆိုရင်လည်း 2021 ခုနှစ်၊ Next Manga Award ရဲ့ Web Manga Category မှာ Nominated ဝင်ဖူးပါသေးတယ်။ ယခု Anime Adaptation ကိုတော့ Silver Link ကနေ တာဝန်ယူထားပြီး Screenwriter အနေနဲ့လည်း Pokémon 2019 series၊ Detective is already dead၊ Case Study of Vanitas၊ Komi-san၊ Kizuma no Allele၊ Higehiro၊ Genius Prince’s Guide၊ Another World Smart Phone၊ Room mate is cat၊ After the rain အစရှိသဖြင့် နာမည် အကြီးအတာ့ အကြီးဆုံး series များစွာကို ရေးသားပေးခဲ့ဖူးသူ ဆရာမ Deko Akao (Hitomi Mieno as Singer) က တာဝန်ယူ ရေးသားပေးထားကာ အောက်တိုဘာလ ၈ ရက်နေ့၊ ၂၀၂၃ ခုနှစ်မှာ စတင်ပြသသွားမှာ ဖြစ်တာကြောင့် ကျွန်တော်တို့ SABF Website မှာလည်း မြန်မာစာတန်းထိုးဖြင့် ကြည့်ရှုနိုင်ပါကြောင်း သတင်းကောင်းပါးလိုက်ရပါတယ် ခင်ဗျ။
